Teri Raza Ki Talash Hai

by     

Mujhe Zindagi Me Qadam Qadam Pe Teri Raza Ki Talash Hai,
Tery Ishq Mein Aey Mere Khuda Mujhe Inteha Ki Talash Hai,

Main Gunahon Mein Hun Ghira Howa, Main Zameen Pe Hoon Gira Howa,
Jo Mujhe Gunah Se Nijat De, Mujhe Us Dua Ki Talash Hai,

Main Ne Jo Kia Wo Bura Kia, Main Ne Khud Ko Khud Hi Tabah Kia,
Jo Tujhe Pasand Ho Mere Rab Mujhe Us Ada Ki Talash Hai,

Tere Dar Pe Hi Mera Sar Jhuke, Mujhe Aur Kuch Nahi Chahiye,
Mujhe Sab Se Kar De Jo Beniaz Mujhe Us Anaa Ki Talash Hai.

Meri Zaat Mein Raha Karta Hai

by     

Zaat Ban K Meri Zaat Mein Raha Karta Hai,
Ek Shakhs Hai Jo Mujh Mein Basa Karta Hai,

Merey Chehray Mein Nazar Aata Hai Chehra Uska,
Uska Tabasum Mere Honton Pe Khila Karta Hai,

Mere Lafzon Se Ada Hoti Hain Baatein Uski,
Mere Lehjay Se Gharoor Uska Chalka Karta Hai,

Meri Neendon Pe Hai Barson Se Hakoomat Uski,
Khwab Ban K Wo Meri Palkon Pe Saja Karta Hai,

Es Qadar Meri Hasti Mein Mojood Hai Wo Shakhs,
K Meri Aankhon Mein Aks Uska Mila Karta Hai.

Raat Ka Aakhri Pehar Tha

by     

Raat Ka Aakhri Pehar Tha,
Mujh Se Chand Ne Kaha,
Hum Nashen Alvida,
Mujh Ko Neend Aa Rahi Hai,
Kal Milain Gay Isi Jagha,
Sun Kar Main Muskura Diya,
Us Ko Batla Diya,
Jaanay Walay Louttay Nahi,
Tum Nahi Aao Gay,
Mujhe Hai Yaqeen,
Meri Baat Sun Ke Woh Ruk Gaya,
Aur Kehnay Laga,
Tum Se Wada Karoon,
Phir Poora Na Karoon,
Aisa Mumkin Nahi,
Sun Aey Hum Nasheen,
Main Chaand Hoon Koi Insaan Nahi.