Mera Asasa

by     

Kuch Waade, Qasme, Yaadein Thin,
Kuch Qehqahe Thy, Faryaadein Thin,

Kuch Aanso Thy, Jo Bahaye Thy,
Kuch Dhoky Thy, Jo Khaye Thy,

Kuch Lehjon Ki Parchaiyan Thin,
Kuch Dil Ko Rog Lagaye Thy,

Ab Paas Humare Kuch Bhi Nahi,
Ab Aas K Maare Kuch Bhi Nahi,

Bus

Yaadon Ki Zanjeeren Hain,
Kuch Rang Urri Tasveeren Hain,

Kuch Lafz Miti Tehreeren Hain,
Ek Dil Jo Deed Ka Pyasa Hai,

Bus yehi,
Mera Asasa Hai…

Laakh Pinjry Ki Shub-O-Roz Hifazat Karty

by     

Laakh Pinjry Ki Shub-O-Roz Hifazat Karty,
Panchi Ur Jaty Agar Hum Na Mohabbat Karty,

Qaafly Raah Mein Qadmon K Nishan Chor Gaye,
Kash Khushbo Ki Tarha Dard Bhi Hijrat Karty,

Hosla Dil Mein Na Tha Ashkon Se Tar Aankhen Thein,
Warna Hum Tujhko Duaon Mein Hi Rukhsat Karty,

Wo Jo Jazbat Ki Hurmat Se Bhi Naawakif Hain,
Kesy Mumkin Tha K Wo Pyar Ki Izzat Karty,

Mil Bhi Sakti Thi Humen Uski Rafaqat Lekin,
Hum Bhary Shehar Mein Kis Kis Se Adawat Karty.