Mahtaab Sift Log Yahan Khaak Basar Hain

by     

Mahtaab Sift Log Yahan Khaak Basar Hain,
Hum Mehv-E-Tamasha Sar-E-Raah Guzar Hain,

Hasrat Si Barasti Hai Dar-O-Baam Pe Har Soo,
Roti Hoi Galiyan Hain Sisaktay Howe Ghar Hain,

Aaye Thy Yahan Jin K Tasawur K Sahary,
Wo Chaand Wo Suraj Wo Shab-O-Roz Kidhar Hain,

Bik Jayen Jo Har Shakhs K Haathon Sar-E-Bazar,
Hum Yousaf-E-Kinaan Hain Na Lal-O-Gohar Hain,

Hum Log Milein Gay To Mohabbat Say Milein Gay,
Hum Nuzhat-E-Mahtaab Hain Hum Noor-E-Sahar Hain.