Sukhanvar – A Platform for Poetry, Literature & Creative Expression
Urdu Poetry , Urdu Shayari , Urdu Shair , Urdu Ashaar
KASH MAIN TERA DIL HOTA,
Teri Yaadon Teri Sochon Pe Mushtamil Hota,
Tere Sath Me Lamha Lamha Dhrakta Rehta,
Khud Se Mujh Ko Juda Na Tu Kar Pata,
Teri Zindagi Ka Daar-O-Madaar Main Hota,
Meray Baghair Tera Jeena Bohat Mushkil Hota,
Kash Main Tera Dil Hota,
Main Agar Khush Hota To Hansata Tujh Ko,
Jo Kabhi Rota To Sath Rolata Tujh Ko,
Tere Sang Jeeta Sang Hi Marta,
Teri Tamam Chahaton Ka Mehwar Hota,
Kash Aey Kash K Main Is Qabil Hota,
Kash Main Tera Dil Hota.
Shaam Soraj Ko Dhalna Sikha Deti Hai,
Shama Parwany Ko Jalna Sikha Deti Hai,
Girnay Waly Ko Takleef To Hoti Hai Magar,
Thokar Insan Ko Chalna Sikha Deti Hai,
Maana K Dosti Nibhani Mushkil Hai Lekin,
Dosti Insan Ko Jeena Sikha Deti Hai.
Us Pe Khul Jati Meray Shoq Ki Shiddat Sari,
Dekhay Hotay Jo Meray Paaon K Chahlay Us Ne,
Jis Ka Har Aib Zamanay Se Chopaya Main Ne,
Meray Qissay Sar-E-Bazar Uchalay Us Ne,
Jab Usay Meri Mohabbat Pe Bharosa Hi Na Tha,
Kion Diye Meri Wafaon K Hawalay Us Ne,
Meri Dam Torti Khwahish Ka Khayal Aa Na Saka,
Apnay Armaan Hamesha Hi Nikalay Us Ne,
Aik Mera Hi To Haath Na Thama Us Ne,
Warna Girtay Howe Kitnay Sambhalay Us Ne.
Samny Manzil Thi Pechy Uski Aawaz,
Rukta To Safar Jata, Chalta To Bechar Jata,
Uski Uljhi Saansen Meri Rukawat Bani,
Chalta To Woh Mar Jata, Theharta To Main Mar Jata,
Us K Naam Se Wabasta Thi Meri Yaadein,
Wo Mujhe Yaad Karta To Main Patton Ki Tarha Jharr Jata,
Sharab Peeny Ki Mujhe Aadat Nahi Thi,
Pee Bhi Leta To Usko Bana K Ghazal Gaata,
Aey Dosto Kuch Dair To Thehar Jaty Mayyat Pe Meri,
Shayad Ussay Khabar Ho Jati Woh Aa Jata.