Category: Urdu Poetry SMS

Gham-E-Jaana Gham-E-Doraan Say Juda Rakhtay Thy,
Hum Mohabbat K Fasano Pe Hansa Karty Thy,

Khud Sari Itni K Khud Ko Thy Sub Kuch,
Bay Hissi Aisi K Dil Toar Diya Karty Thy,

Hum Jo Rukty Thy To Ruk Jaty Thy Manzar Saaray,
Hum Jo Chalty Thy To Mousam Bhi Chala Karty Thy,

Jab Se Chaha Hai Tumhen Thaam K Dil Bethy Hain,
Ban Gaye Mom, Kabhi Shola Howa Karty Thy.

Bura Na Maan Agar Tujhko Pyar Karta Hon,
Gunah Kon Sa Aisa Main Yaar Karta Hon,

Meri Khataon Mein Meri Samajh Ka Nahi Koi Dakhal,
Main Jo Bhi Karta Hon Be Ekhtiyar Karta Hon,

Tu Kitne Pyar K Qabil Hai Kia Khabar Mujhko,
K Main To Jitna Bhi Mumkin Hai Pyar Karta Hon,

Wo Ghair Ho Ya Sajan Koi Bhi Ho Magar Ussay,
Main Tera Tazkira Dewana Waar Karta Hon,

Khuda Ki Duniya Se Itni Mohabbat Nahi Hai Shayad,
Khuda K Aik Banday Ko Main Jitna Pyar Karta Hon.

Qurbat Ki Teri Pyas Hai Wesay To Theek Hon,
Ek Dard Dil K Pass Hai Wesay To Theek Hon,

Dekha Jo Chaand Ko To Koi Yaad Aa Gaya,
So Dil Mera Udaas Hai Wesay To Theek Hon,

Tu Mujhko Apni Zaat Say Bahir Nahin Mila,
Ye Dukh Bhara Qayaas Hai Wesay To Theek Hon,

Gar Ho Na Kuch Umeed To Ho Jaon Pur Sukoon,
Ek Bay Wajah Si Aas Hai Wesay To Theek Hon.