Sukhanvar – A Platform for Poetry, Literature & Creative Expression
Urdu Poetry , Urdu Shayari , Urdu Shair , Urdu Ashaar
Be-Niaz-E-Gham-E-Peman-E-Wafa Ho Jana,
Tum Bhi Auron Ki Tarha Mujh Se Juda Ho Jana,
Main Bhi Palkon Py Saja Lon Ga Lahu Ki Boondein,
Tum Bhi Pabasta-E-Zanjeer-E-Hina Ho Jana,
Garchy Ab Qurb Ka Imkaan Hai Bohat Kam Phir Bhi,
Kahin Mil Jain To Tasveer Numa Ho Jana,
Khalq Ki Sangzani Meri Khataon Ka Sila,
Tum To Masoom Ho Tum Door Zara Ho Jana,
Ab Mery Wasty Taryaak Hai Ilhaad Ka Zehar,
Tum Kisi Aur Pojari Ki Dua Ho Jana.
Meri Chahat Ka Sar-e-Aam To Charcha Na Karo,
Kam To Pehly Bhi Nahi Aur To Ruswa Na Karo,
Bhanp Na Jaye Kahen Dil Ki Lagi Ye Dunya,
Yun Shafaq Ban K Mery Chehry Pe Thehra Na Karo,
Baat Choti Si Bhi Afsana Bana Deti Hai,
Tum Kitabon Pe Mery Naam Ko Likha Na Karo,
Dil Ko BeChain Sa Karti Hain Tumhari Aankhen,
Raat Ko Dair Tak Mujhay Tum Socha Na Karo,
Saamny Sab K Karen Kis Tarha Iqraar Mohsin,
Yun Sar-E-Bazm To Us Se Yeh Taqaza Na Karo.
Mohabbat Ki Tamanna Hai To Phir Woh Vasf Paida Kar,
Jahan Se Ishq Chalta Hai, Vahan Tak Naam Paida Kar,
Agar Sachcha Hai Mery Ishq Mein To Aey Bani Adam,
Nigahe Ishq Paida Kar Jamal-E-Zarf Paida Kar,
Main Tujh Ko, Tujh Se Ziada Aur Sab Se Ziada Chahon Ga,
Magar Shart Yeh K Apny Andar Meri Justaju To Peda Kar,
Agar Na Badloun Teri Khatir Har Ik Cheez To Kehna,
Tu Apny Aap Mein Pehly Andaz-E-Wafa To Paida Kar.
Lipat Kar Apni Tanhai Se Jagta Rehta Hon Main,
Tamam Raat Kisi Ki Yaad Mujhe Soney Nahi Deti,
Us Ki Koi Masoom Si Shararat Jab Bhi Aati Hai Yaad,
Udaas To Kar Jati Hai Par Roney Nahi Deti,
Log Kehte Hain Bhol Kar Usey Nayi Zindagi Shuro Kar,
Wo Roh Per Qabiz Hai Mujhe Kisi Aur Ka Hone Nahi Deti.