Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Abhi Kal Ki Baat Hai

by     

Hum Yusuf-E-Zaman They Abhi Kal Ki Baat Hai,
Tum Hum Pe Meherban They Abhi Kal Ki Baat Hai,

Wo Din Bhi They K Hum Hi Tumhari Zuban Pe They,
Mauzoo-E-Dastan They Abhi Kal Ki Baat Hai,

Aey Karwan-E-Inqilab-O-Gul Tum Ko Yaad Ho,
Hum Meer-E-Karwan They Abhi Kal Ki Baat Hai,

Jin Doston Ki Kami Hai Aaj Hayat Mein,
Wo Apne Darmian They Abhi Kal Ki Baat Hai,

Kuch Haadson Se Gir Gaye Mohsin Zameen Par,
Hum Rashk-E-Aasman They Abhi Kal Ki Baat Hai.

Yaad-E-Maazi Me Jo Aankho Ko Saza Di Jaye

by     

Yaad-E-Maazi Me Jo Aankho Ko Saza Di Jaye,
Is Se Behter Hai K Her Baat Bhula Di Jaye,

Jis Se Thori Si Bhi Ummeed Ziyada Ho Kabhi,
Aysi Her Shama Sar-E-Sham Bujha Di Jaye,

Main Ne Apno K Riwajon Se Ye Mehsoos Kia,
Dil K Aangan Mein Bhi Deevar Utha Di Jaye,

Main Ne Yaaron K Bicharnay Se Ye Seekha Mohsin,
Apne Dushman Ko Bhi Jeenay Ki Dua Di Jaye.