Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Ho Nahi Sakta

by     

Main Jitna Bhi Usse Chahon Wo Mera Ho Nahi Sakta,
Sitare Torr Kar Laon, Wo Mera Ho Nahi Sakta,

Main Is K Pyar Ki Khatir Bhare Bazar Me Aakar,
Agar Be Daam Bik Jaon, Wo Mera Ho Nahi Sakta,

Main Raanjhe Ki Tarha Bilkul Badal Kar Bhes Jogi Ka,
Agar Daman Ko Phelaon, Wo Mera Ho Nahi Sakta,

Agar Nakam Ulfat Ki Pareshani Se Ghabra Kar,
Kisi Din Zahr Bhi Khaon, Wo Mera Ho Nahi Sakta,

Kisi Lohe Ki Bhatti Mein Ishare Par Sitam Gar K,
Badan Bhi Apna Phighlaon, Wo Mera Ho Nahi Sakta,

Khalish Bekar Si Zid Par Array Rehna Himakat Hai,
Main Pagal Dil Ko Samjhaon, Wo Mera Ho Nahi Sakta.

Chalo Ek Nazm Likhte Hain

by     

Chalo Ek Nazm Likhte Hain,
Kisi K Naam Karte Hain,
Magar Ye Sochna Hai Ab,
K Us Me Zikar Kis Ka Ho,
K Us Me Baat Kis Ki Ho,
K Us Me Zaat Kis Ki Ho,
Aur Ye Bhi Farz Karte Hain,
K Jis Pe Nazm Likhte Hain,
Humain Us Se Mohabbat Hai,
Humare Sare Jazboon Ko,
Bus Us Ki Hi Zarorat Hai,
Chalo Ik Kaam Karte Hain,
K Hum Jo Nazm Likhte Hain,
Wo RAB K Naam Karte Hain,
Wohi Unwan Ho Is Ka,
Usi Ka Zikr Ho Is Mein,
Usi Ki Baat Ho Is Mein,
Usi Ki Zaat Ho Is Mein,
K Wo KHALIQ,
Wohi MALIK,
Wohi RAZIQ,
Wohi Haqdar Hai Is Ka.