Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Humary Hath Khali Hain

by     

Humary Hath Khali Hain,

Muqaddar Se Ulajhti Anginat In Mein Lakiren Hain,
Lakiron Mein Kahani Hai, Humari Zindagani Hai,

Magar Phir Bhi Ye Lagta Hai,
Humary Hath Khali Hain,

Kahin Maazi Numayan Hai, Kahin Asbab Dikhty Hain,
Jo Hum Ab Jhelty Hain, Wo Sabhi Halat Dikhty Hain,

Jo Pal Ab Tak Nahi Aaye, Wo Sabhi In Mein Samaye Hain,
Magar Ye Sab Kuch Poshida Hai, Sabhi Adwaar Mubham Hain,

Humary Aany Waly Pal, Humary Hath Mein Gum Hain,
Magar Phir Bhi Ye Lagta Hai, Humary Hath Khali Hain,

Main Pehron Apny Hathon Ki Lakiren Takti Rehti Hon,
Magar Apni Hatheli Pe Nahi Dikhti Mujhy Hargiz,

Wo Ik Sa’at Jo Khizan Rut Ko Baharon Mein Badalti Ho,
Wo Ik Lamha Jo Sadiyon Ki Thakan Ko Maat De Jaye,

Wo Ik Rasta Jo Pal Bhar Mein, Manzil Ko Pohanch Jaye,
Meri Takmeel Kar Jaye,

Main Pehron Takti Rehti Hon,
Ulajhti In Lakeron Ko, Magar Ab Tak Nahi Milti,

Wo Ik Sa’at K Jis Pe, Wasal Ka Pegham Likha Ho,
Wo Ik Rekha Jis Pe, Tera Mera Naam Likha Ho.

Mahtaab Sift Log Yahan Khaak Basar Hain

by     

Mahtaab Sift Log Yahan Khaak Basar Hain,
Hum Mehv-E-Tamasha Sar-E-Raah Guzar Hain,

Hasrat Si Barasti Hai Dar-O-Baam Pe Har Soo,
Roti Hoi Galiyan Hain Sisaktay Howe Ghar Hain,

Aaye Thy Yahan Jin K Tasawur K Sahary,
Wo Chaand Wo Suraj Wo Shab-O-Roz Kidhar Hain,

Bik Jayen Jo Har Shakhs K Haathon Sar-E-Bazar,
Hum Yousaf-E-Kinaan Hain Na Lal-O-Gohar Hain,

Hum Log Milein Gay To Mohabbat Say Milein Gay,
Hum Nuzhat-E-Mahtaab Hain Hum Noor-E-Sahar Hain.