Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Main Moat K Ghar Mein Rehta Hun

by     

Main Sans Bhi Gin Kar Leta Hun,
Jis Roz Safar Mein Rehta Hun,
Ek Khauf Zada Jiwan Le Kar,
Main Moat K Ghar Mein Rehta Hun,
Jahan Zaat, Nasal K Jhagro mein,
Hatyar Uthaya Jata Hai,
Har Roz Kai Masoomon Ka,
Jahan Khoon Bahaya Jata Hai,
Jahan Moat Bhi Matam Karti Hai,
Main Us Nagri Mein Rehta Hun,
Ek Khauf Zada Jiwan Le Kar,
Main Moat K Ghar Mein Rehta Hun,
Har Roz Kisi Maa Ka Beta,
Be Moat Hi Mara Jata Hai,
Har Roz Kisi Ki Mayyat Ko,
Dharti Mein Utara Jata Hai,
Kia Main Bhi Mara Jaunga?
Main Isi Fikar Mein Rehta Hun,
Jis Shehr Ka Naam Karachi Hai,
Main Usi Shehr Mein Rehta Hun,
Ek Khauf Zada Jiwan Le Kar,
Main Moat K Ghar Mein Rehta Hun.

Meri Taza Kitab

by     

Ajnabi Wo Bhi Ajab Mosam Tha,
Teri Qurbat Ka Sunehra Mosam,
Teri Khushboo Se Mehakta Howa Gehra Mosam,
Tere Chehrey Ki Tamazat Se Dehakti Subhen,
Teri Zulfon Ki Shubahat Se Lehakti Shamen,
Tery Lehjy Ki Shararat Se Shagufta Lamhen,
Teri Aankhon Mein Larazty Howe Iqrar Ki Lo,
Teri Awaz K Gulposh Abad Zaron Mein,
Khwab Dar Khwab Duaon K Gulab,
Tere Blory Hatho Mein Meri Taza Kitab,
Ajnabhi Ye Bhi Ajab Mosam Hai,
Teri Furqat Ka Jhulasta Mosam,
Aag Ban Kar Meri Sochon Py Barasta Mosam,
Kitna Mehrom-E-Tarab Mosam Hai,
Gham Bhi Jan, Noha Ba Lab Mosam Hai,
Teri Khushbo Ka Jazeera Na Teri Yaad Ka Shehar,
Meri Uas Uas Mein Utarta Howa Tanhai Ka Zehr,
Zehr Ki Lehar,
Zehr Ki Lehar K Hamrah Tery Dard Ka Qehar,
Qriya-E-Jan Mein Utarta Hai To Yon Lagta Hai,
Jesy Nazl Ho Kisi Shehr-E-Chraghan Py Azab,
Jesy Be Aab-O-Hawa Rut Mein Jhulas Jayen Gulab,
Dil Mein Abad Dard Bikharta Hai To Yon Lagta Hai,
Is Tarha Tot Rahi Ho Kisi Khemy Ki Tanab,
Aisy Lagta Hai K Is Bar Na Choo Paye Gi,
Tery Blory Hathon Ko Meri Taza Kitab…

Tamam Din Main Karri Dhoop K Safar Mein Jala

by     

Tamam Din Main Karri Dhoop K Safar Mein Jala,
Hoi Jo Shaam Diya Ban K Apne Ghar Mein Jala,

Sabhi K Naam Likhey Main Ne Roshni K Khatoot,
Main Apne Ghar Mein Bujha Un K Baam-O-Dar Mein Jala,

Laga K Aag Na Samjho K Jal Gayi Parwaaz,
Yeh Kab Howa K Parinda Koi Shajar Mein Jala,

Us Aik Harf-E-Tamanna Ki Raakh Hain Aansoo,
Charagh Sa Jo Hawaaon Ki Reh Guzar Mein Jala,

Jali Na Ho Gi Kabhi Aag Is Tasalsul Se,
K Jitni Dair Yeh Dil Arsa-E-Hunnar Mein Jala,

Koi Shajar Se To Pochey K Kis Saleeqay Se,
Miyaan-E-Aab-O-Hawa Khwahish-E-Samar Mein Jala,

Qareeb-O-Door Ki Sab Bastiyaan Munawwar Keen,
Yeh Aik Dil Jo Mera Aatish-E-Hunner Mein Jala,

Kisi Ka Haath Mere Haath Mein Raha Aasim,
Main Chaandni Mein Nahaya K Dopehar Mein Jala.