Category: Urdu Poetry SMS

Ejazat Ho To Jaan Meri, Main Khushboo Ka Ek Payam Bhejon,
Tu Kahe To Teri Khatir, Apni Subah Aur Sham Bhejon,

Chu Kar Jo Tujhe Mere Dil Ki Halat Kare Bayan,
Main Baad-E-Saba K Hath Aisa Paigham Bhejon,

Main To Kashmakash Mein Hon Humsafar Mere,
Ab Tu Hi Bata Dil Bhejoon Ya Jaan Bhejon.

Nazar Jab Us Se Milti Thi, Main Khud Ko Bhool Jata Tha,
Bas Ek Dharkan Dharakti Thi, Main Dil Ko Bhool Jata Tha,

Ussay Milney Se Pehley Main, Bohat Sajta Sanwarta Tha,
Magar Jab Wo Sanwarti Thi, Main Khud Ko Bhool Jata Tha,

Main Aksar Kitabon Par, Usi Ka Naam Likhta Tha,
Magar Kuch Wo Jo Likhti Thi, Main Likhna Bhool Jata Tha,

Main Aksar Hi Ye Kehta Tha, Main Tum Se Pyar Karta Hoon,
Magar Jab Wo Ye Kehti Thi, Main Duniya Bhool Jata Tha.

Yaadon Ko Bhulane Mein Kuch Dair To Lagti Hai,
Aankhon Ko Sulany Mein Kuch Dair To Lagti Hai,

Kisi Shakhs Ko Bhula Dena Itna Aasan Nahi Hota,
Dil Ko Samjhany Mein Kuch Dair To Lagti Hai,

Bhari Mehfil Mein Jab Koi Achanak Yaad Aa Jaye,
Phir Aanso Chupany Mein Kuch Dair To Lagti Hai,

Jo Shakhs Jaan Se Bhi Pyara Ho, Achanak Door Ho Jaye,
Dil Ko Yakeen Dilany Mein Kuch Dair To Lagti Hai.