Category: Urdu Poetry SMS

Boseeda Porany Kisi Samaan Me Rakh De,
Ya Phir Kisi Tootay Howe Guldan Me Rakh De,

Chahat K Charaghon Ko To Jalna Hai Jalen Gay,
Tu Inko Utha Kar Bhalay Tofaan Me Rakh De,

Maarny K Liye Shokh Tabasum Hi Bohat Hai,
Ye Zehr-E-Halahal Kisi Muskan Me Rakh De,

Saansen Na Chuka Paya Hon Qeemat Jo Wafa Ki,
Ab Jism Ki Matti Ko Bhi Tawan Me Rakh De,

Saghar Tere Ashaar Yahan Kon Sunay Ga,
Be Rabt Khayalat Ko Deewan Me Rakh De.

Din Nikly To Soch Alag, Shaam Dhaly Wijdan Alag,
Umeed Alag, Aas Alag, Sakoon Alag, Tofaan Alag,

Tashbeh Doon To Kis Se, K Tery Husn Ka Har Rung,
Neel Alag, Zumrad Alag, Yaqout Alag, Marjan Alag,

Tery Ulfat K Taqazy Bhi Ajab Andaz K Thy,
Iqrar Alag, Takrar Alag, Tahzeem Alag, Farmaan Alag,

Gar Sath Nahi Ab De Sakty, To Baant Do Yakjaan Lamhen,
Masroor Alag, Nidhaal Alag, Purkaif Alag, Pershaan Alag,

Waqt-E-Rukhsat Alwida Ka Lafz Jab Kehny Lagy,
Aansoo Alag, Muskaan Alag, Betabi Alag, Hijan Alag,

Jab Chor Gaya Tab Daikha Apni Aankhon Ka Rung,
Hairan Alag, Pasheman Alag, Sunsan Alag, Bayaban Alag.