Maqroz K Bigrey Howe Halaat Ki Manind

by     

Maqroz K Bigrey Howe Halaat Ki Manind,
Majbor K Honton Pe Sawalaat Ki Manind,

Dil Ka Teri Chahat Mein Ajab Haal Howa Hai,
Sailaab Se Barbad Makanaat Ki Manind,

Main Un Mein Bhatakte Howe Jugnu Ki Tarha Hon,
Us Shakhs Ki Ankhein Hain Kisi Raat Ki Manind,

Dil Roz Sajata Hon Main Dulhan Ki Tarha Se,
Gham Roz Chale Aatey Hain Baraat Ki Manind,

Ab Ye Bhi Nahi Yaad K Kiya Naam Tha Us Ka?
Jis Shakhs Ko Manga Tha, Manajaat Ki Manind,

Kis Darja Mukaddas Hai Terey Qurb Ki Khwahish,
Masoom Se Bachchy K Khayalaat Ki Manind,

Us Shakhs Se Milna Mera Mumkin Hi Nahi Tha,
Main Pyas Ka Sehra Hon Vo Barsaat Ki Manind,

Samjhao Usay Faiz K Ab Reham Karey Wo,
Dukh Bantta Phirta Hai Vo Soghat Ki Manind.

Hazrat Abdullah bin masood farmaty hain

by     

Hazrat Abdullah bin masood farmaty hain. Dil ki 3 ragen hoti hain. agar apne Emaan ko prakhna hai k mera dil zinda hai ya mar gaya hai to.

1. Quran khol k parho dekho dil lag raha hai ya nahi.

2. Us mehfil me betho jahan Allah ka zikr ho raha ho. dekho dil lag raha hai ya nahi.

3. Tanhae me beth ke dekho k tuje Allah ki yaad tarpa rahi hai ya nahi.
Agar jawab haan hai to tumhen khush hona chahiye k dil abhi zinda hai. Agar jawab na hai to daro, Allah se dua karo k tum par raham kary.