Sukhanvar

Wo Tamam Meri Hamaqaten Jo Huen Gunah Ki Chaon Mein,
Wo Amal Ki Sari Kasafatein Jo Likhi Gayi Hain Fizaon Mein,

Tere Samne Hai Zarrah Zarrah, Teri Zaat Wakif-e-Hal Hai,
Main Bura Sahi Mujhe Bakhsh De, Mere Dil Ko Sakht Malal Hai,

Meri Neend Aankhon Se Door Hai Mera Mazi Itna Kharab Hai,
Ye Karam Hai Rab-e-Jahan Tera, Mere Har Gunah Pe Naqab Hai,

Tujhe Ikhtiyar Hai Sab Ka Sab, Mera Tujh Se Itna Sawal Hai,
TU Maaf Kar, TU KAREEM Hai, TU RAB-e-ZUL JALAL Hai.

AMEEN