Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Bohat Be Chain Rehti Hai Tabiyat Ek Muddat Se

by     

Bohat Be Chain Rehti Hai Tabiyat Ek Muddat Se,
Dil-o-Jaan Ko Nahi Mil Paai Rahat Aik Muddat Se,

Mujhay Bhi Rok Rakha Hai Meri Masrofiyat Ne Aur,
Nahi Ki Tum Ne Bhi Milnay Ki Zehmat Aik Muddat Se,

Bohat Majboor Hoon Warna Bohat Mehsoos Karta Hoon,
Meri Jaan Tumse Milnay Ki Zarorat Aik Muddat Se,

Kisi Din Aa K Mil Jao K Apna Li Hai Aankhon Ne,
Tumhaari Yaad Mein Ronay Ki Aadat Aik Muddat Se.

Kabhi Jo Waqt Par Jaye

by     

Kabhi Jo Waqt Par Jaye,

Tumhen Mujh Se Bicharhna Ho,

Tumhe Wade Se Phirna Ho,

To Beshak Dair Mat Karna,

Mujhe Naraz Kar Dena,

Tum Apni Simt Chal Dena,

Magar Jab Laut K Aana,

Tumhen Mitti K Teelay Par,

Main Shayad Na Dikhai Don,

Magar Heran Mat Hona,

Wahin Do Char Qadmon Par,

Mazaar-E-Bekaran Hoga,

Wahan Ek Phool Rakh Dena,

Aur Ik Shama Jala Dena,

Aur Apna Rukh Badal Lena,

Aur Apni Simt Chal Dena.

Parde Mein

by     

Bari Tarap Hai Meri Iltija K Parde Mein,
Main Tujhy Maang Raha Hon Dua K Parde Mein,

Use Bhi Darr Hai K Raaz Khul Na Jaye Kahin,
Likha Hai Naam Mera Usne Hina K Parde Mein,

Me Us K Kooche Se Guzra To Ye Guman Howa,
Mujhe Pukara Hai Usne Hawa K Parde Mein,

Ajeeb Tarz-E-Masihai Us Ne Dikhlaya,
Hayat Meri Badal Di Dawa K Parde Mein,

Kuch Is Tarha Se Chupaya Hai Zulf Me Chehra,
K Jaise Chaand Chupa Ho Ghata K Parde Mein.