Category: Urdu Poetry SMS

Urdu Poetry , Urdu Shayari , Urdu Shair , Urdu Ashaar

Sitare Bantta Hai Wo, Zeya Taqseem Karta Hai

by     

Sitare Bantta Hai Wo, Zeya Taqseem Karta Hai,

Suna Hai Habs K Mausam Mein Hawa Taqseem Karta Hai,

UsKi Apni Beti Ki Hatheli Khushk Rehti Hai,

Jo Burha Dhoop Mein Aksar Hina Taqseem Karta Hai,

Koi Rokey Usay Ja Kar Sra-Sar Hai Ye Pagal Pan,

Jo Behron K Mohalley Mein Sada Taqseem Karta Hai,

Ussi Se Maang Tu Mohsin Baqi Chor De Sab Ko,

Jo Pathar Mein Bhi Kerey Ko Ghiza Taqseem Karta Hai.

Aqeedaton Pe Hai Dunya Ko Aitraaz Bohat

by     

Aqeedaton Pe Hai Dunya Ko Aitraaz Bohat,

K Hai Mizaj-e-Zamana Fasana Saaz Bohat,

Tera Gharoor-e-Ibadat Tujhy Na Le Doobay,

Suna Hai Parhta Tha Iblees Bhi Namaz Bohat,

Yeh Keh Rahe Thy Kal Awargan Koocha-e-Yar,

Adaain Aaj Bhi Hain Us Ki Dilnawaz Bohat,

Unhain Shaoor-e-Mohabbat Nahin KHUDA Ki Qasam,

Jo Log Hain Teri Mehfil Mein Sarfaraz Bohat,

Meri Khushi Ka Zamana Hawa Ka Jhonka Tha,

Mere Ghamon Ki Rahi Zindagi Daraaz Bohat.