Urdu Poetry SMS | Sukhanvar

Nashay Se Har Dum Nidhal Aankhen

by admin

Ye Num Num BeMisal Aankhen,
Nashay Se Har Dum Nidhal Aankhen,

Uthen To Hosh-o-Hawas Cheenen,
Giren To Kar Den Kamal Aankhen,

Koi Hai In K Karam Ka Talib,
Kisi Ka Shoq-e-Visal Aankhen,

Na Yun Jalain Na Yun Satain,
Karain To Kuch Ye Khayal Aankhen,

Hain Jeene Ka Ek Bahana Yaaron,
Yeh Rooh Parwar Jamaal Aankhen,

Daraz Palkain Ghazaal Aankhen,
Musawari Ka Kamal Aankhen,

Sharab Rab Ne Haram Kar Di,
Magar Rakhi Hain Halaal Aankhen,

Hazaron In Se Qatal Howe Hain,
Khuda K Banday Sanbhal Aankhen.

by admin

Wo to Chand Hai,
Log Osey Dekhne ki Dua Kartay Hain,

Meri Qismat To Un Sitaron Jesi Hai,

K Log Apni Khushi k Liye
Mere Totne Ki Faryad Karte Hain,

by admin

Suna Ho Ga Kisi Se Dard Ki Ik Hadd Bhi Hoi Hai,

.

Milo Hum Say K Hum Us Hadd K Aksar Paar Jatay Hain.

by admin

Tere Ishq Ne Bakhshi Hai Ye Soghaat Musalsal,
Tera Zikar Hamesha Teri Baat Musalsal,

Ek Muddat Hoi Tere Baam-O-Dar Se Nikle,
Rehti Hai Phir Bhi Tujh Se Mulaqat Musalsal,

Dil Lagi Dil Ki Lagi Ban Jati Hai,
Jab Tasawwur Mein Guzarti Hai Raat Musalsal,

Jab Se Dekha Zulf-e-Pareshan Ka Aalam,
Uljhay Howe Rehte Hain Mere Din Raat Musalsal,

Main Mohabbat Mein Is Moqam Pe Pohancha Hon Mohsin,
Jahan Meri Zaat Mein Rehti Hai Teri Zaat Musalsal.