Category: Urdu Poetry SMS

Aankh Ban Jati Hai Sawan Ki Ghata Sham K Baad,
Mujh Se Ho Jata Hai Har Koi Khafa Sham K Baad,

Chaand Jab Ro K Sitaron Se Galy Milta Hai,
Aik Ajab Rang Ki Hoti Hai Fiza Sham K Baad,

Hum Ne Tanhai Se Pocha K Milo Gi Kab Tak?
Us Ne Be-Chaini Se Foran Hi Kaha Sham K Baad,

Loat Aati Hai Meri Shab Ki Ibadat Khali,
Jane Kis Arsh Pe Jati Hai Dua Sham K Baad,

Maar Jata Hai Bichar Janne Ka Dohra Ehsaas,
Kash Na Ho Koi Kisi Se Juda Sham K Baad.

Shaam Dhal Chuki Hai Raat Ho Rahi Hai,
Mehfil-E-Dil Mein Aaj Phir Teri Baat Ho Rahi Hai,

Mere Khwab-O-Khayal Pe Phir Tera Qabza Ho Gaya Hai,
Zindagi Phir Se Meri Be-Jazbaat Ho Rahi Hai,

Roh Mere Jism Ki Kahin Khenchi Jaa Rahi Hai,
Mujh Se Yuon Parayi Meri Zaat Ho Rahi Hai,

Har Taraf Laga Diya Hai Teri Yaad Ne Pehra,
Phir Bohat Mushkil Se Basar Raat Ho Rahi Hai,

Kia Bataon Tujhe Apne Dil Ki Halat Main,
Ajab Se Kefiyat Mere Sath Ho Rahi Hai.

Ab Agar Aaoo To Janey ke Liye Mat Aana,
Sirf Ahsaan Jataney kay Liye Mat aana,

Maine Palkon Pe Tamannaen Saja Rakhi Hain,
Dil Par Umeed Ki So Shamein Jala Rakhi Hain,
Ye Haseen Shamen Bujhaane ke Liye Mat Aana,

Pyar ki Aag Mein Zanjeer Pighal Sakti Hain,
Chahne Walon ki Takdeer Badal Sakti Hain,
Hoon Bebas Ye Batane ke Liye Mat Aana,

Mujhse Milne ki Agar Tumko Nahi Chahat koi,
Tum Sirf Rasmen Nibhaney ke Liye Mat Aana.