Sukhanvar – A Platform for Poetry, Literature & Creative Expression
Ghazal / Ghazals of your Favorite Poets
Laahaq hai yahan marz Mohabbat ka sabhi ko,
Is Shehar k logon mein waba aam bohat hai,
Har darja sharafat ka libada hai orhe,
Aur Dil mein haqarat ki bala aam bohat hai,
Rishton ka yahan paas to rakhtay hain sabhi par,
Hairat hai k Lutnay ki sada aam bohat hai,
Dawa hai k har fard wafadaar yahan hai,
Hai darj kitabon mein Jafa aam bohat hai,
Tum naik tamannaein to rakhtay ho bohat Dost,
Is Shehar mein naiki ki saza aam bohat hai.
Kia Tum Bhi?
Shaam Ki Dehleez Pe Aas Ka Deep Jalatay Ho,
Aur Kisi Aawara Patte Ki Aahat Par,
Darwaze Ki Taraf Bhaage Jatay Ho,
Kia Tum Bhi?
Dard Chupane Ki Koshish Karte Karte,
Aksar Thak Se Jate Ho,
Aur Bila Wajah Muskurate Ho,
Kia Tum Bhi?
Neend Se Pehle Palkon Par Dheron Khawab Sajate Ho,
Ya Phir Bistar Par Lait Kar,
Rotay Rotay So Jatay Ho,
Kia Tum Bhi?
Kisi Ko Chahte Ho?
Main Lamhon Ko Waqt Ki Pukar Deta Hoon,
Isi Lagan Mein Kayi Shamein Guzaar Deta Hoon,
Main Yoon Hi Har Ek Se Be-Rabt Nahi Milta,
Har Shaks Ko Uska Mayar Deta Hoon,
Main Gham Ki Kashti Ko Dobona Nahi Chahta,
Bojh Barrh Jaye To Kuch Utaar Deta Hoon,
Khushiyaan Koi Maange To Muft Deta Hoon,
Gham Maange Koi To Udhar Deta Hoon,
Badla Lena Meri Fitrat Mein Nahi,
Khizaan K Badle Bahaar Deta Hoon.
Sitare Bantta Hai Wo, Zeya Taqseem Karta Hai,
Suna Hai Habs K Mausam Mein Hawa Taqseem Karta Hai,
UsKi Apni Beti Ki Hatheli Khushk Rehti Hai,
Jo Burha Dhoop Mein Aksar Hina Taqseem Karta Hai,
Koi Rokey Usay Ja Kar Sra-Sar Hai Ye Pagal Pan,
Jo Behron K Mohalley Mein Sada Taqseem Karta Hai,
Ussi Se Maang Tu Mohsin Baqi Chor De Sab Ko,
Jo Pathar Mein Bhi Kerey Ko Ghiza Taqseem Karta Hai.