Category: Ghazal

Ghazal / Ghazals of your Favorite Poets

Kal Sehan Mein Hum Bad-e-Saba Dhondte Rahe

by     

Kal Sehan Mein Hum Bad-e-Saba Dhondte Rahe,
Bichar K Tujhse Tera Pata Dhondte Rahe,

Jo Dekha b Kisi Ko dekha Tere Tasawur Mein,
Hum Chehron Mein Chehra Tera Dhondte Rahe,

Jo Baat b Ki Kisi Se To Ki Tere Hawale Se,
Hum Lehjon Mein Lehja Tera Dhondte Rahe,

Meri Deewangi Mein Kuch Qasoor Mera To Na Tha,
Tamam Kissay Mein Hum Apni Khata Dhondte Rahe,

Kabhi Kho Kar Paya Tujh Ko Kbhi Pa K Khoya,
Teri Jafaon Mein Hum Apni Wafa Dhondte Rahe.

Tum Aaye Ho Na Shab-e-Intizar Guzri Hai

by     

Tum Aaye Ho Na Shab-e-Intizar Guzri Hai,
Talaash Mein Hai Sehar, Bar Bar Guzri Hai,

Junoon mein jitni bhi guzri, beykaar Guzri Hai,
Agar che Dil Pe KHarabi Hazar Guzri Hai,

Woh Baat Saare Fasaane Mein Jis ka Zikra Na Tha,
Woh Baat Unko Bohat NaGavaar Guzri Hai,

Huii Hai Hazrat-e-Naaseh se Guftagu Jis Shab,
Woh Shab Zaruur Sar-e-Kuh-e-Yaar Guzri Hai,

Na Gul Khile hein, Na un Se Mile, Na Mai Pii Hai,
Ajeeb Rung Mein ab Ke Bahaar Guzri Hai,

Chaman Mein Gaarat-e-gulchiin se Jaane Kya Guzri,
Qafas se Aaj Sabaa be-Qaraar Guzri Hai,

Tum Aaye Ho Na Shab-e-Intizar Guzri Hai,
Talaash Mein Hai Sehar, Bar Bar Guzri Hai.

Tere Gham Ko Jaan Ki Talash Thi

by     

.
Tere Gham Ko Jaan Ki Talash Thi, Tere Jaan Nisar Chalay Gaye,
Teri Rah Mein Kertay Thay Sar Talab, Sar-E-Rahguzaar Chalay Gaye,

Teri Kaj Adayi Say Haar Kay Shab-E-Intizar Chali Gayi,
Meray Zabt-E-Haal Say Rooth Kar Meray Ghamgusaar Chalay Gaye,

Na Sawal-E-Wasl, Na Arz-E-Gham, Na Hikayatain Na Shikayatein,
Teray Ahd Mein Dil-E-Zaar Kay Sabhi Akhtiyar Chalay Gaye,

Yeh Humen Thay Jin Kay Labas Par Sar-E-Rah Siahi Likhi Gayi,
Yehi Daagh Thay Jo Saja Kay Hum Sar-E-Bazm-E-Yaar Chalay Gaye,

Na Raha Janoon-E-Rukh-E-Wafa, Yeh Rasan Yeh Daar Karogay Kiya,
Jinhain Jurm-E-Ishq Pay Naaz Tha Woh Gunahgar Chalay Gaye.

(Dast-e-Teh-e-Sang) July 1959.
Faiz Ahmed Faiz