Category: Ghazal

Ghazal / Ghazals of your Favorite Poets

Nashay Se Har Dum Nidhal Aankhen

by     

Ye Num Num BeMisal Aankhen,
Nashay Se Har Dum Nidhal Aankhen,

Uthen To Hosh-o-Hawas Cheenen,
Giren To Kar Den Kamal Aankhen,

Koi Hai In K Karam Ka Talib,
Kisi Ka Shoq-e-Visal Aankhen,

Na Yun Jalain Na Yun Satain,
Karain To Kuch Ye Khayal Aankhen,

Hain Jeene Ka Ek Bahana Yaaron,
Yeh Rooh Parwar Jamaal Aankhen,

Daraz Palkain Ghazaal Aankhen,
Musawari Ka Kamal Aankhen,

Sharab Rab Ne Haram Kar Di,
Magar Rakhi Hain Halaal Aankhen,

Hazaron In Se Qatal Howe Hain,
Khuda K Banday Sanbhal Aankhen.

Tere Ishq Ne Bakhshi Hai

by     

Tere Ishq Ne Bakhshi Hai Ye Soghaat Musalsal,
Tera Zikar Hamesha Teri Baat Musalsal,

Ek Muddat Hoi Tere Baam-O-Dar Se Nikle,
Rehti Hai Phir Bhi Tujh Se Mulaqat Musalsal,

Dil Lagi Dil Ki Lagi Ban Jati Hai,
Jab Tasawwur Mein Guzarti Hai Raat Musalsal,

Jab Se Dekha Zulf-e-Pareshan Ka Aalam,
Uljhay Howe Rehte Hain Mere Din Raat Musalsal,

Main Mohabbat Mein Is Moqam Pe Pohancha Hon Mohsin,
Jahan Meri Zaat Mein Rehti Hai Teri Zaat Musalsal.

Mohabbat Ho To Aisi Ho

by     

Asar Dil Par Karay Shikwa, Shikayat Ho To Aisi Ho,
Galay Lag Kar Koi Roye, Nadamat Ho To Aisi Ho,

Yahi Mehsoos Ho Jaisay, K Sadiyan Guzri Hain,
Faqat Ek Pal Ki Furqat Mein, Aziyat Ho To Aisi Ho.

Mujhe Kanta Chubhay Aur Us Ki Aankhon Se Lahoo Tapkay,
Talluk Ho To Aisa Ho, Mohabbat Ho To Aisi Ho.

So Baar Chaman Mehka

by     

So Baar Chaman Mehka So Baar Bahar Aayi,
Duniya Ki Wahi Ronaq Dil Ki Wohi Tanhai,

Ye Raat Ki Khamoshi Ye Aalam-e-Tanhai,
Phir Dard Utha Dil Mein Phir Yaad Teri Aayi,

Is Aalam-e-Weeran Mein Kia Anjuman Aarai,
Do Roz Ki Mehfil Hai Ek Umer Ki Tanhai,

Har Dard-e-Mohabbat Se Uljha Hai Gham-e-Hasti,
Kia Kia Hamain Yaad Aaya Jab Yaad Teri Aayi,

Ronay Se Kia Hai Hasil Ae Dil-e-Sodai,
Is Paar Bhi Tanhai Us Paar Bhi Tanhai.