Author: Ifrahim

Kisi K Hissay Gulab Thehray

by     

Milay Jahan Se Kisi Ko Kante, Kisi K Hissay Gulab Thehray,
Jisay Woh Chahe Nawazta Hai, Yeh Mere Rab K Hisaab Thehray,

Bara Raheem-O-Kareem Hai Wo, Jisay Bhi De Day Yeh UsKi Marzi,
Kisi K Hissay Sawab Likh De, Kisi K Hissay Azab Thehray,

Yeh Apni Taqdir Se Mila Hai Kisi Ko Darya Kisi Ko Sehra,
Koi Tarasta Hai Boond Bhar Ko, Kisi K Hissay Sailaab Thehray,

Koi To Din Mein Bhi Sapne Dekhe, Kisi Se Neendain Bhi Door Bhagain,
Kisi K Hissay Mein Raat Jaggy, To Kisi K Hissay Mein Khwab Thehray.

Faraz Yaaron Ko Aazma K Dekh Liya

by     

Faraz Yaaron Ko Aazma K Dekh Liya,
Party Me Bula K Dekh Liya,

Mout Bhi Hum Se Door Bhagti Hai Mohsin,
Car K Niche Aa K Dekh Liya,

Marta Nahi Ye Jarasim-E-Ishq Sagar,
Safeguard Se Bhi Naha K Dekh Liya,

Koi Sunta Nahi Faryad-E-Ghalib,
Radio Pe Bhi Ga K Dekh Liya,

Dil Ka Pata Nahi Chalta Wasi,
X-Ray Bhi Kara K Dekh Liya,

Faraz K Ulty Seedhy Shair Bnany Se Ye Baaz Nahi Aaty Iqbal,
Bohat In Nojawanon Ko Samjha K Dekh Liya.

Halaat K Mary Hain

by     

Es Shehr-E-Khrabi Me Halaat K Mary Hain,
Hum Ooj-E-Suraiya Se Tooty Howe Taary Hain,

Jo Kuch Bhi Howa Hai Ab Ik Roz To Hona Tha,
Kia Tum Se Karen Shikwa Gardish Me Sitary Hain,

Ik Shehr Me Rah K Bhi Hum Tum Se Juda Yun Hain,
Aapas Me Juda Jesy Darya K Kinary Hain,

Apnon Se Adawat Hai, Ghairon Se Mohabbat Hai,
Duniya Se Niralay Sab Andaz Tumhary Hain,

Yaadon K Andhery Me Sathi Hain Mery Gham K,
Aakash Pe Jitny Bhi Chand Aur Sitaary Hain,

Tanha Thy Na Tanha Hain Es Shehr-E-Mohabbat Me,
Allah Ki Rahmat Hai Ghairon K Sahaary Hain,

Kashti Hai Mohsin Apni Mojoon K Talatum Me,
Toofan Hai Qiyamat Ka Aur Zoor K Dhaary Hain.