Author: admin

Har Simt Gham-e-Hijr K Toofan Hain Saghar,

Mat Poch K Hum Kitne Parishan Hain Saghar,

Har Chehra Nazar Aata Hai Tasveer Ki Surat,

Hum Shehar K Logon Se Bhi Anjan Hain Saghar,

Jis Shehar-e-Mohabbat Ne Humain Loot Liya Hai,

Us Shehar Se Ab Koch Ka Saman Hain Saghar,

Kashti Abhi Ummeed Ki Doobi To Nahi Hai,

Phir Kio Teri Aankhon Mein Ye Toofan Hain Saghar,

Kar In Ka Adab Rakh Inhen Seenay Se Laga Kar,

Ye Dard, Ye Tanhaiyan Mehmaan Hain Saghar.

” Saghar Siddique “