Mujhy Youm-E-Mohabbat Pe Tumhen
Ye Takeed-E-Mohabbat Hai Ya Tajdeed-E-Mohabbat Hai,
Magar Jo Kuch Bhi Hai Janaan Ye Toheed-E-Mohabbat Hai,
So Toheed-E-Mohabbat Mein Bicherney Ka Kabhi Dherka Nahi Hota,
Bajuz Chahat Kisi Dil Mein Koi Jazba Nahi Hota,
Kabhi Takeed Ya Tajdeed Ki Nobat Nahi Aati,
Koi Kaghaz, Koi Khat, Phool Ya Tohfa Nahi Hota,
Meri Ankhon Mein Jitney Rung Hain Un Sab Mein Chahat Hai,
Meray Honton Pe Jitney Lafz Hain Un Sab Mein Aqeedat Hai,
Tumhen Maloom Hai Chahat To Ik Aisi Haqeeqat Hai,
Jisey Lafzon, Khaton, Pholon Ya Tohfon Ki Zarorat Nahi Hoti,
Jahan Dil Se Nikal Ker Baat Khud Dil Tak Pohanchti Hai,
Jahan Ankhon Se Nikley Ashk Khud Izhar Kertey Hain,
K Hum Kis Haal Mein Hain,
Aur Kitna Pyaar Kertey Hain,
So Aey Jaan-E-Ghazal Dekho Meri Ankhen, Dharakta Dil,
Aur Is Main Mojzan Jazbey Meri Chahat Ka Tohfa Hain,
Meri Chahat Ke Sab Tohfey Tumharey Paas Hain Janaan
Mujhy Youm-E-Mohabbat Pe Tumhen Kuch Bhi Nahi Dena…..!