Author: admin

Runj De Kar Malaal Kartay Ho

by     

Runj De Kar Malaal Kartay Ho,
Tum Bhi Kia Kamal Kartay Ho,

Dekh Kar Poch Lia Haal Mera,
Chalo Kuch Tu Mera Khayaal Kartay Ho,

Shehr-e-Dil Mein Ye Udasiyan Kaisi?
Ye Bhi Mujh Se Sawal Karte Ho,

Marna Chahein To Mar Nahi Saktay,
Tum Bhi Jeena Muhaal Karte Ho,

Ab Kis Kis Ki Misaal Doon Main Jaanan?
Har Sitam Be Misaal Karte Ho.

Ehl-e-Ishq Janay Kio

by     

Waqt Ki Saleebon Par,

Khushiyon ki Lashain Hain,

Door Tak Andheron Mein,

Dard Ki Faselain Hain,

Chahaton Ki Nagri Mein,

Har Taraf Hi Matam Hai,

Apni Apni Chahat Ki,

Kirchiyoon Ko Hum Janaan,

Khwab Aur Hasrat K,

Khoon Mein Dabootay Hain,

Bojh Hum Aziyat Ka,

Hoslon K Kandhay Par,

Roz Rakh K Dhotay Hain,

Aur Tum Ye Kehtay Ho,

Ehl-e-Ishq Janay Kio,

Es Tarha K Hotay Hain,

Be Wajah Taraptay Hain,

Be Sabab Hi Rotay Hain.